iPhone, iPad og Mac — rett ut av eska. Sunika A3 AI har kunstig intelligens om bord, så du lagar motivet, fjernar bakgrunnen og sender til print frå telefonen. Ingen Windows-PC. Ingen RIP-lisens. Ingen Photoshop.
DTF har vore låst til Windows i alle år, fordi RIP-programvara berre fanst der. Har du hatt Mac, har du måtta kjøpe ein PC ved sida av — berre for å få printa. Det slepp du no.
Lag motivet, fjern bakgrunnen og send til print. Heile produksjonen frå lomma.
Stor skjerm til å plassere motiv og sjå 3D-førehandsvisinga før du brukar film.
Jobbar du i Illustrator eller Photoshop på Mac, går filene rett til maskina.
Fungerer like godt på Windows, Android og Harmony — men det er Apple-brukarane som har venta lengst.
Vi har fått inn eit avgrensa tal maskiner til denne prisen. Når dei er selde, går prisen tilbake til ordinær. Vel den pakka som passar produksjonen din.
Alle prisar er oppgitt eks. mva. Frakt kjem i tillegg. Prisane gjeld så langt det avgrensa talet maskiner rekk.
Kampanjeprisane er sette så lågt at dei ikkje kan kombinerast med Kreatek-finansiering. Dei gjeld ved vanleg betaling mot faktura.
Ønskjer du finansiering, får du det — men då til ordinær pris. Ordinært kostar printaren 69 990,–, med ovn 75 490,– med ståande shaker 89 800,– og med shaker og forbrukssett 98 800,–, alle eks. mva. Ta kontakt, så set vi opp eit forslag med månadsbeløp.
Vanleg DTF startar på ein datamaskin. Denne startar på telefonen din.
Skriv kva du vil ha, så lagar AI-en biletet. Eller last opp eit eksisterande motiv og la maskina fjerne bakgrunnen, rette opp feil og forbetre kvaliteten — med eitt trykk.
Sjå motivet på eit plagg i 3D før du brukar film. Smart oppsett pakkar fleire motiv tett saman på arket, slik at du sløser minst mogleg.
Maskina står på verkstaden, du står i kundemøtet. Send jobben over skya, så er transferen klar når du kjem tilbake.
Dette er ikkje ein printar med ein app ved sida av. Det er ei sjølvstendig produksjonseining der heile arbeidsflyten ligg om bord.
Beskriv motivet med ord, så lagar maskina det. Har du eit bilete frå før, kan du la AI-en byggje vidare på det. Bakgrunnen blir fjerna automatisk, skadar og støy blir retta opp, og oppløysinga blir forbetra før print.
Automatisk utklipp skil motivet frå bakgrunnen med rein kant — også på hår, pels og fine detaljar. Det som før var femten minutt i Photoshop, tek no eitt trykk.
Maskina er kopla til over WiFi og tek imot jobbar over skya. Du kan sende ein jobb frå kontoret, frå heimen eller frå ferie — og han står ferdig når du kjem.
Skriv inn kva du vil ha, vel format, sjå resultatet og trykk print. Du følgjer overføringa til maskina på skjermen, og ser når jobben er i gang. Ingen kablar, ingen driverar, ingen PC som må stå på.
Windows, macOS, Android og iOS. Du treng ikkje ein dedikert PC ved sida av maskina, og du treng ikkje kjøpe RIP-programvare i tillegg. Telefonen du alt har i lomma er nok.
Maskina renser printhovudet sjølv. Mindre av det kjedelege vedlikehaldet som pleier å bli utsett — og som er den vanlegaste årsaka til tette dyser.
Kvitt blekk sedimenterer om det står stille. Sirkulasjonen held det i rørsle, slik at kvitlaget held seg jamnt og du slepp å kaste blekk.
Skal maskina stå ubrukt ei stund, set du henne i feriemodus. Ho tek vare på seg sjølv, så du ikkje kjem tilbake til eit tett printhovud.
Fleire motiv blir plasserte tett saman på arket automatisk. Mindre svinn på film — det merkast fort på forbruket.
Sjå motivet på eit plagg før du brukar film og blekk. Storleik og plassering blir rett første gongen.
Bomull, polyester og blandingar — lyse og mørke plagg. Ingen førbehandling slik som DTG krev.
Den vanlege vegen er: bilete inn i Photoshop, klipp ut, inn i RIP-programmet, legg ut arket, overfør til maskina, start print. Det krev både programvare og kunnskap, og det er her feila oppstår.
Her gjer du alt i appen — og maskina tek resten.
Dette er den nye generasjonen. I staden for ein lang shaker som må stå ved sida av printaren, står printaren oppå shakeren. Filmen går rett ned i pulveret, blir rista rein og herda — og kjem ut ferdig.
Med shaker går du frå å stå og passe kvar einaste film, til å sende ein jobb og hente ferdige transferar.
Printaren står oppå shakeren — éin arbeidsstasjon, ikkje to.
Modell SK-A301 med Epson F1080-A1 printhovud.
| Modell | SK-A301 |
|---|---|
| Printhovud | Epson F1080-A1 (1 stk.) |
| Printbreidd | 330 mm |
| Hastigheit | Opp til 13 sq ft/t |
| Oppløysing | 720 × 1440 dpi |
| Blekk | Vassbasert DTF-blekk |
| Programvare | Phoenix 1.0 |
| Media | PET-film |
| Filformat | JPG, PNG, BMP m.fl. |
| System | Mac, Windows, Android og iOS |
| Arbeidstemperatur | 0–50 °C |
| Effekt | 260 W i drift · 30 W i kvile |
| Tilkopling | WiFi |
| Rens av printhovud | Automatisk |
| Mål printar | 800 × 290 × 310 mm |
| Vekt printar | 27,7 kg netto · 45 kg brutto |
| Mål shaker | 705 × 585 × 1011 mm |
| Vekt shaker | 72,3 kg netto · 95 kg brutto |
Tekniske data kan bli endra av produsenten utan varsel.
Vi har eit avgrensa tal til kampanjepris. Ta kontakt, så finn vi ut kva pakke som passar produksjonen din — og kva du treng av forbruksartiklar for å kome i gang.
Kampanjeprisar frå 55 900,– eks. mva · ordinær pris 69 990,– · finansiering til ordinær pris
